محتاج مساعدة

دى جملة ياما صرخت بيها بينى و بين نفسى

كان نفسى مرة القى حد جنبى من نفسى

وقفت كتير جنب ناس و كنت بنسى انا نفسى

ياما ناس كتير صعبت عليا و مصعبتش عليا نفسى

ساعدت كتير ناس و نسيت اساعد يوم نفسى

لحد م جاه اليوم استنيت حد يقف جنبى ملقيتش غير نفسى

يومها بس عرفت انى كتير ظلمت انا نفسى

احنا الشباب الطموحلس

طموحلس :هو الشاب اللى معندهوش طموح

و اجيب الطموح منين؟

حد يقولى كده

اتعلمت قد ايه

5 ابتدائى ده غير الغلابة اللى خدوا سنة ساتة

3 أعدادى

3 ثانوى

4 كليه

او 5 لو هندسة أو 7 لو طب

ده لو حضرتك خدتهم دايركت من غير دبلره

و بعدين؟

بعون الله تنضم لحزب الشباب العاطل بتاع القرموطى

طب نفرض بعد الشر عنك طبعا لقيت شغل

حتاخد كام؟

يا عم نقول اتعينت رئيس مجلس ادارة ب 2000 جنية فى الشهر

اكل و شرب و فسح و هدوم نقول ب 1000 جنية فى الشهر

يتبقالك 1000 جنية تحوشهم

و لسه عايز تتجوز و تخلف و تجيب عيال و تربيهم كويس

و تطلعهم أحسن منك و تفرح بيهم

طب تعالى نعمل حسبة بسيطة

هى الشقة بكام؟

نقول شقة متواضعة فى حتة متواضعة جدا جدا جدا

نقول ب 200 الف جنية

و احنا قولنا بتحوش الف فى الشهر

يعنى قدامك 200 شهر

نقسم على 12

يبقى فيها

حوالى 16 سنة و 7 شهور

ده لو افترضنا ثبات الاسعار

و لسه المهر و الشبكة و الفرح المغالى فيه

قول نكملهم 20 سنة كمان

و انت متخرج حوالى 22 سنة

يعنى يوم م تتجوز حيبقى عندك حوالى 42 سنة

يعنى 18 سنة و تطلع على المعاش ده لو مطلعتش معاش مبكر

هههههههههههههههههههههههه

يبقى نحلم ليه ؟

لو حد مش موافقنى يجى نتناقش و يا يقنعنى يا اقنعه

حكاية قبل النوم(2) القطة

كان ياما كان كان فى ولد صغير اسمه أحمد باباه سئله فى يوم
ايه رأيك يا حبيبى أجيبلك قطة؟؟؟؟
رد عليه
يا ليت يا بابى انا نفسى فى قطة من زمان
خد بابا أحمد أحمد وراح عند محل الحيوانات الاليفة
ايه رأيك يا حبيبى فى القطة دى؟؟؟
حلوة يا بابى بس انا كنت عايز التانية ام شعل طويل
ماشى يا حبيب بابى
و فعلا اشتراله القطة
فرح أحمد جدا فى الاول بالقطة
كان بيأكلها
و ينيمها جمبه
و يلعب معاها
لحد اما القطة حبته
بس مع الايام زهق أحمد من القطة و كان حاسس انها مسؤلية عليه
مبأش ياكلها
ولا يلعب معاها
و كانت لم تنام جامبه يزعقلها و يرميها بره القوضة
زعلت القطرة و مبقتش تحب أحمد زى الاول
و فى يوم هربت القطة من البيت
و لقاها واحد تانى
كان بيعاملها كويس على الاقل أحسن من أحمد
لما أحمد عرف ان القطة هربت
زعل قوى و معرفش غلاوتها عنده الا لما ضاعت منه
و قعد يعيط عى القطة
و توته توته فرغت الحدوته حلوه ولا ملتوته
########################################
الى اللقاء الاربعاء القادم بأذن الله

حكاية قبل النوم(1)الارنب و الارنبة

كان ياما كان يسعد يا كرام ميحلا الكلام الا بذكر النبى عليه الصلاة و السلام
زماااااااااااااااااان كان فيه اررنب بيحب ارنبة بس يعينى الارنبة كانت مطنشة و كان كل يوم يبعت جوابات للارنبة و هى ولا فى دماغها و مرة واحدة الارنب حس ان الارنبة ابتدت تحس بيه فزود فى مظاهر حبه ليها شوية زيادة عشان يأكدلها حبه ليها بس هى فهمت غلط افتكرت ان عمايل الارنب دى ضعف مش حب وفى يوم من الايام اتواعد الانب يقابل الارنبة فى الجنينة بس يا حرام حصلت للارنب ظروف معرفش يروحلها قامت الارنبة غضبت منه وفضل الارنب يحاول يفهمها و هى مش راضيه تكلمه كانت فاكرة انه حيفضل يتحايل بس الارنب اتخنق و زهق اه هوه مش متخيل حياته من غيرها بس حيعمل ايه هى الارنبة اللى اختارت فقرر الارنب يساعدها على قررها تفتكر عمل ايه يا محمد؟؟
اكيد دور على ارنبة تانية يا جدو
غلط يا حبيبى
عشان الارنبة دى هى حبه الاول و الاخير هى اللى حس معاها بالحب الحقيقى بس هى ضيعته بتوقلها متعرفش ان الارنب جديد فى موضوع الحب ده و ميعرفش يستحمل راح الارنب قرر ميفتحش الشباك اللى بيشوفها منه تانى و ميروحش الجنينة اللى بيشوفها فيها تانى
بس عارف يا محمد
ايه يا جدو؟؟؟؟
انا صعبانة عليه الارنبة دى أوى
ليه يا جدو؟؟؟؟
عشان ضيعت قلب الارنب اللى كان بيحبها بجد
و بعدين يا جدو الارنب كمل حياته ازاى بعدها
لسه مقليش يا حبيب جدو بكره اكملهالك
@@@@@@@@@@@@@@@@@@@@@@@@@@

@@@@
هذة القصة سوف احكيها لحفيدى بأذن اله و هى من تأليفى

تهييس دوت كوم

صحيت الصبح بدرى معرفش ليه

اه ثوانى افتكرت

كان فى ناموسة رزلى كلت و شى من كتر القرص

المهم مسكت التلفون بصيت فيه

مش عارف ببص فيه ليه

ده بقاله 3 شهور محدش رن عليه

ولا رنيت على حد

مظلومة فودافون معايا

قومت كده هرشت فى راسى

و بصيت فى المرايا

و زى كل يوم اتخضيت

مش عشان وحش لا سمح الله

لا لانى مش بفتكرنى اول م اصح

فبحسبنى حرامى فى المرايا بيسرقنى

المهم استحميت على غير العادة على الصبح

هو فى ايه انا مالى

مش مهم اهو يوم و بيعدى

المهم طلعت قميص و بنطلون جداد

و الله م انا فاهم حاجة بس الحاجة ماما طلبت منى كده

و جريتى رجلى على الكلية حضرت محضراتى

و رجعت من الكلية قررفان

6 سعات متواصلة فى وش دكاترة اقتصاد

ده انا ليه الجنة

المهم دخلت بتنا لقيت حركة غريبة

عندنا ضيوف

هييييييييييييييييييييييه

عندنا ضيوف

المهم استفسرت كويس

طلع انكل شكرى صاحب بابا

يا صلاة النبى بابا طلعله صحاب

مقليش قبل كده

المهم شلت صنية الشربات و دخلت

مش عارف اشمعنى شربات و اشمعنا انا

المهم دخلت الصالون

لقيت انكل شكرى و طنط عدلات مراته

و ""تفيدة "" بنتهم المصونة ربة الصون و العفاف

اتارى انكل شكرى جى يتقدملى

يا نهار بنى منقط باسود

ايه اللى جرى للزمن البنت و ابوها جايين يخطبونى

اصحى يا احمد اصحى يا حبيبى

المحاضرة الاولى حتضيع عليك

على فكرة ده صوت ماما و كانت بتصحينى من الكابوس

على فكرة انا لازم حد يصحينى مبعرفش اصحى على المنبه

و اشوفكم فى حلم تانى

سلام