مــــــــــش بــــــــــشــــــــــر

تخيل اكتشفت انى مش بشر

مش من حقى أحزن

ولا من حقى أكتئب

ولا حقى أشتكى

ولا حقى اى حاجه

ههههههههههههههههههه

المفروض ايه؟

ابتسم

اضحك

اسمعكم

اساعدكم

و انا مين يساعدنى؟

مين يسمعنى؟

هو انا مش بشر؟

امــــــــــــــاه

ووقفت انظر نحوها كالطفل يرجو امه ان ترحمه
اماه .... لم تتركينى ؟
اماه .... احتاجك أكثر من اى وقت مضى
اماه .... من بعدك يعطينى حنانه؟
اماه ....اقسمت عليكى اعيدينى اليك
اماه ....كيف تقسين على ؟ و انا ولدك
ولكنها صمت اذانها و رحلت
لم ترحم صيحاتى و استغاثاتى
سابكيكى اماه .... سابكى فراقك و قسوتك
و لكنك اماه ولا زلت احبك

بيعملى حموضه

بعيد عن المسبك و الاكل التقيل اللى بيعملى حموضه

فى حاجة تانيه بتعملى حموضه

الكلام المذوق

يا حبيبتى و يا روحى و الكلام التافه ده اللى كل واحد قاعد يقوله للبنت اللى يعرفها

خدوا بالكم انا مقولتش اللى بيحبها

لانه فى معظم الاوقات اللى بيسرح بيها او هى مستغفلاه

عاتشى يعنى مش فارقه

انا عن نفسنيتى لما كنت ( وحط مليون خط تحت كونت دى ) بحب

كنت بقولها يا ماما يا بنتى يا غاليه

حاجة من دول

ايون

سامعك يا سوسه أشمعنى دول

امى : لان مهما الام عملت فى الابن بيحترمها و يحبها و ده كان شعورى نحيتها

بنتى : لان البنت من حقها تدلع على باباها زى م هي عايزة ولازم يستحملها

و يا غاليه : لانها فعلا غاليه عندى حتى أغلى منى و لحد دلوقتى غاليه فى نظرى

عايز تظهرلها حبك يبقى فى المعامله

ايون

سامعك يا سوس (مذكر سوسه ) انت كمان

انا عارف ان الكلام الحلو و يا حبيبتى لازم برضه بس على خفيف

لان كتره بيعمل حموضه

بينلها حبك باحترامها و مساعدتها و وقوفك جنبها و احترامك لعائلتها

خليها تحس بكلمه بحبك فى كل فعل منك من غير م تقولها

و ياريت تخف شويه من الكلام المذوق عشان الحموضه

حكاية قلب

انا : يعنى خلاص ؟

هى : حاول تنسانى

انا : انساكى هو انا عايش غير لهواكى

هى : لو سمحت متصعبش الفراق

انا : اصعبه على مين ؟ عليه ولا عليكى ؟

هى : علينا احنا الاتنين

انا : بس متقوليش احنا .بس خليكى فاكرة اليوم ده

هى : طيب

انا : مع السلامة يا حبيبتى

..............................................

هى : انت لسه بتحبها ؟

انا : هى مين دى ؟

هى : حبيبتك الاولنيه ؟

انا ايه اللى فكرك بالسيرة دى دلوقتى ؟

هى : و انت عارف تفكر غير فيها ده حتى انا بتعملنى على انى هيه

انا : يا بنتى طلعى الوهم ده من دماغك

هى : وهم ؟ صدقنى هى ادى الحقيقة الوحيدة اللى فى علاقتنا هى سور بنا

انا : اه لسه بحبها . و مش عارف أحب غيرها

هى : طب و انا ؟

انا : انت خطيبتى و بنت محترمة اقدر ائمنها على بيت و ولادى و مستقبلى

هى : بس انا نفسى فى حب نفسى فى حنان . انا مستحمله عشان بحبك

انا : ياريت بايدى . صدقينى مش قادر انساها و بعدين انا مقصرتش معاكى

هى : انت مش قادر تفهم انت معايا بس روحك معاها و مش قادر تنساها صدقنى مش قادرة استحمل

انا :صدقينى انا بحبك و مقدش استغنى عنك بس لسه فى حاجة جواياه بتحنلها

هى : مش عارفة بس خايفة اصحى فى يوم و متكونش جنبى و ترجعلها

انا : لا اطمنى مهما حصل انت باذن الله مراتى و ام عيالى و اوعدك انى احاول انساها و اسعدك بس خليكى جنبى خليكى قريبة منى قوى نفسى الاقى معاكى الامان

.................................................................................

انا : مش قادر انساها

هو : بجد حرام عليك دى بهدلتك يابنى عايز ايه تانى يثبتلك انها محبتكش

انا : عارف اللى مزعلنى انى حاسس بحب خطيبتى قوى و مش قادر اديلها حقها

هو : هى بتحبك جدا طول عمرها بتتمنى رضاك دى ممكن تضحى بنور عنيها و تفضل جنبك

انا : م ده اللى مضايقنى مش قادر اديلها من قلبى اللى التانيه خدته

هو : يا ابنى انساها و كمل حياتك اعتبرها ماتت

انا : ياريت كان بايدى يارب قوينى و نسينى

...............................................................

انا : ياااااااااااااااااه انتى بعد كل السنين دى ؟

هى : ارجوك سامحنى انا اتبهدلت بعدك كتير

انا : اسامحك على ايه ؟ مفيش سماح

هى : حرام عليك انا جريت وراء كدبه كبيره و مفوقتش غير لما كل حاجة ضاعت منى

انا : لو سمحتى اخرجى بره و مش عايز اشوفك تانى

هى : ادينى فرصة تانيه ده ربنا بيسامح

انا : انا راجل متجوز و بحب مراتى لو سمحتى بره

......................................................................

انا : تصدقى عمرى م كنت مرتاح قد النهاردة

هو : ليه يابنى ؟

انا : جاتلى و طلبت اسامحها

هو : و عملت ايه ؟

انا : طردتها طبعا

هو : طردتها ؟

انا : ايوه . ساعتها شوفتى مراتى و حبها ليه و شوفتها و شوفت ظلمها ليه و ساعتها بس حبيت مراتى قوووووووى و كرهتها قووووووووى

هو : الحمد لله انك فوقت من وهمها

..............................................................

انا : بقولك ايه يا حبيبتى م تيجى نخرج نتعشى بره

هى : و ايه المناسبة ؟

انا : المناسبة انى بحبك

هى : بجد ى (اسمى ) من قلبك

انا : انا عمرى م كنت متاكد من حبى ليكى قد النهاردة . انت اغلى حاجة عندى فى الدنيا . انت امى و بنتى و حبيبتى و مراتى و ام عيالى و صحبتى و حياتى كلها

هى : انت سليم يا حبيبى و لا سخن؟

انا : انا محظوظ انك مراتى ربنا يخليكى ليه

هى : و يخليك ليه