حديث اتنين مخطوبين

المخطوبة:بقولك ايه انا رايحة عند صحبتى
الخاطب:مش انا قولتلك ميت مرة تنسى صحباتك
المخطوبة:ما انت بتروح عند اصحابك وبتخدوهم وبتخرجوا لحد 3 الفجر ...ومنعنى حتى اروح لصحباتى
الخاطب:انتى المفروض دخلة على حياة تانية انسى صحباتك دول ولازم تكونى فاضية لي
المخطوبة:هو حلال ليك وحرام عليا...يبقى مادام بقت كده يبقى انت برضه داخل على حياة تانية والمفروض تنسى اصحابك دول
الخاطب:انا ما بعدش فى البيت اساسا عشان ما بلاقيش حد اتكلم معاه واخذت على كده
المخطوبة:اعمل اعتبار ليه ما انا كمان زيك اعده فى البيت ما بلاقيش حد اتكلم معاه مش كفايه طالب منى انساهم بعد الزواج سبنى على الاقل اشبع منهم فى فترة الخطوبة...بقولك ايه انا عايزة اروح عند صحبتى
الخاطب:انا قولت كلمة واحدة مش هتروحى يعنى مش هتروحى
المخطوبة:انت بقيت زى سي السيد وهروح يعنى هروح
الخاطب:انا بقيت زى سي السيد طب انتى اللى كذا كذا كذا كذا


ايه رأيكم؟؟؟

يوم فى حياتى

صباح الخير انا لسه صاحى من النوم

يا نهار أسود راحت عليه نومه و المحاضرة الاولى راحت و العشر درجات بتوع الكويز راحوا هما كمان

مفيش مشاكل كله يتظبط فى الميد و الفينل

روحت أتوضا لقيت السخان مش شغال (سخان غاز) و ما ادراك م سخان الغاز مش بيشتغل غير بميه جامدة مع انه يونفيرسل مش زى الاعلان يعنى شغااااااااااااااااااال يونيفرسل مش مهم نقضيها ميه ساقعة

حفطر ايه؟؟؟؟
اللبن خلص و مفيش وقت أسلق بيض مش مشكلة نضرب صبع موز و تفاحة

و بعد ربع ساعة تدوير على البنطلون أفتكرت انى قلعته على السرير اللى كنت نايم عليه زمانه أتكسر و بقى ميت حتة مش مشكلة كانه موضة هوه حد فاهم

نزلت الشارع انا حاسس انى ناسى حاجة ؟!!
اه المفاتيح...مش مشكلة مش حرجع بدرى

و يدوب حمشى تاكسى بيجرى و راح مطرطش عليه مية شتاء
طب حدخل أغير البنطلون أزاى؟؟؟

مش مشكلة أبقى امسحه فى الكليه

و بعدى الشارع شبك البنطلون فى مسمار هبط عليه من السماء و اتقطع

هوه يوم أسود من أوله
و الله لمصحيهم و اللى يحصل يحصل
امال حروح الكلية يالبنطلون مقطوع

طلعت غيرت البنطلون بعد حرب منقطعة النظير فى التخبيط على الباب

و بعدين نزلت روحت الكلية و لو جدع عدى الشارع
طريق البحر و ما أدراك م طريق البحر
المهم أنا مفهمتش الرسايل اللى ربنا بعتهالى و مقعدتش فى بتنا

المهم بعدى الشاع و ديب عربية خبطتنى و الحمد لله
عربية بولو بيضة نزل منها شاب اللى خلانى سبته أنه محترم و مش عامل شعره زى تامر حسنى و قعد يقولى معلش و الله م معايه فامل و قولت اروح بدرى اصلحها قبل م الشوارع تتزحم و أدس حد تعالى اوديك المستشفى

مرضتش بقى بعد ده كله تضيع منى المحاضرة

دخلت الكلية غسلت وشى من الدم

هوه كان من مناخيرى مش عارف كان فين الدم ده كله

و دخلت المحاضرة و حضرت و النظارة مكسورة و مش شايف حاجة
بسمع بس و بنقل من كراسة صاحبى

المهم رجعت البيت أمى صرخت و قالتلى مالك

قولتلها بكل بساطة داستنى عربية

امتى ؟؟؟

قبل المحاضرة

و كنت فين ده كله؟؟
فى المحاضرة

يخرب بيتك حد يحضر المحاضرة و هو خبطاه عربية

يا حمدى الحق أبنك و ديه المستشفى

الحمد لله طلعت كدمة فى الكتف على شوية رضوض و سحجات و البنطلون التانى فى نفس اليوم راح فى نصيبة

و ده كان يوم حقيقى من أيام حياتى بلا مبالغة أو تقصير

زملتك فى الكلية ابعد عنها

شايف البنت الرقيقة اللى هناك دى

دى مش رقيقة دى لسه واكلة دراع اختها الصبح

و محلية برجلها اللى ريحتها شربات من امبارح

حتجيلك و بكل رقة و حتبص فى عنيك

خد بالك من اللينسيز اللى حطاهم اوعى تصدق ان ده اللون الحقيقى

و تقولك ممكن انقل منك المحضرات من اول الترم

المفروض انك تزبهل و تعيط و تديها كشكولك ليها خالص

ده لو انت شاب لمؤخزه عبيط

طب لو ناصح حتقول ايه

غورى يا بنت من هنا انا مبديش محضراتى لحد

م كنت حضرتى زيى ولا عايزة تخديهم على الجاهز

و ده اول درس

الدرس التانى

جى انت من بدرى تحجز مكان ليك و لصحابك و تيجى هيه بسلامتها قبل المحاضرة

بخمس دقايق و تقولك لو سمحت هوه المكان ده فاضى

تبصلها انت و الدموع فى عينك و تقولها ده حتى لو مش فاضى نفضهولك ده انا اقوم

اروح و انت تقعدى يا سلام على المرجلة طب و صاحبك

هوه ده اللى كان المفروض تعمله

تبصلها بقرف و تقولها غورى من هنا يا بنت

انا حاجزه من بدرى كنت بشتغل عندك و جاى احجزلك ايوه فى حد هنا

و اللى اللقاء فى دروس قادمة

خطيبتك ابعد عنها

بسم الله الرحمن الرحيم

حعرفك النهاردة بخطيبتك او اللى حتكون خطيبتك

الاسم : بيختلف

النوع : كائن يدعى انه رقيق

الشكل : لم يستدل على الشكل الحقيقى

عارف خطيبتك رضيت بيك ليه؟؟؟

فى اسباب كتيرة

انت المغفل الوحيد اللى اتلطش فى دماغه فى يوم كانت مامته داعيه عليه فيه

و اتقدمتلها برجلك اللى حتتمنى بعد ده انك كنت قطعتهم و مرحتش

ي اما

شافت فى حضرتك المغفل اللى حيحقق لها كل امانيها لانك مقرش و كاشاتك كتير

ففضلتك على البقيين المقشفررين

و فى اسباب تانية كتيرة مش حقولها لسوق البنات يقف

خرجت معاها يوم تفسحها

حتقولك حتغدينى ايه النهاردة؟؟

تبص انت فى ساعتك تلاقكوا لسه نازلين من بيتها و مع انه كان معاد غداء

بس معزموش عليك تاكل حيسمموك ليه بقى م انت اتدبست يا معلم

ترد عليها بمنتهى البرود و تقولها عايزة تتغدى ايه يا حبيبتى

حتقولك و بكل برائه عايزة اتغدى كوارع و لحمة راس

شوفت بقى خطيبتك الرقيقة عايزاك تاكلها كوارع و لحمة راس

و بعدين تعملك عيد ميلادها كل اسبوع عشان الهدايا

و عيلتها كلها تجلها مناسبات عشان تجامل

و كله يا غلبان من فلوسك

ده غير الفستان اللى عجبها و الساعة اللى حتطلع عينها عليه

و اصرف اصرف اصرف م انت اللى جبته لنفسك يا خفيف

اللى اللقاء فى الجزء القادم

أناس يستحقون الشفقة

سوف أتكلم عن المكفوف

لا تفهمنى خطأ

أنا لا أقصد مكفوف البصر

فهذا قد منحه الله البصيرة

تلك المنحة الالهية التى تفوق البصر مئة بل ألف مرة

فكم تعاملت مع مكفوفين و الله لو انى لا أعرفهم لظننتهم مبصرين

انا هنا أتكلم عن القلب المكفوف

نعم

ذلك القلب الذى لا يستطيع ان يميز

حقا صاحبه يرى

و لكنه فى الحقيقة لا يرى

يرى الاشكال و المواقف

و لايرى العبرة منها

يرى الناس التى تحبه حقا"

و لكنه لا يميزهم

صاحب هذا القلب يجب ان نشعر له بالاسى

و نتمنى له الرحمة

ولا نشعر تجاهه الا بالشفقة