انا : ازيك؟
هى : الحمد لله
انا : وحشانى
هى : انت أكتر
انا : احنا بقالنا قد ايه نعرف بعض؟
هى : ساعتين
أنا : و طول المدة دى مقولتليش باباكى بيشتغل ايه؟
هى : رئيس وزراء
أنا : انت بنت الدكتور أحمد نظيف
هى : بصراحة لا بابا وزير من الوزراء مش رئيسهم
أنا : م انا عارفهم كلهم هو مين بقى؟
هى بس بصراحة هو سكرتير الوزير
أنا : ده اخر كلام؟
هى : ممممممم بص بقى هو موظف ف الوزارة
أنا : يعنى بيشتغل ايه ف الوزارة
هى : بقولك ايه هو اللى بيقدم للوزير القهوة الصبح
أنا : و مقولتيش ليه كده من الاول ؟
هى : خفت تسبنى بعد الحب ده كله و انهار
أنا : يا ستى عادى ولا يهمك
هى : هو انت باباك بيشتغل ايه؟
أنا : انا بابا اللى بيجيب البن اللى باباكى بيشربه للوزير
هى : عنده مطحن بن ؟ ولا بقال ؟
أنا : ولا ده ولا ده
هى : أمال ايه؟
أنا : بابا أكبر مستورد للبن فى مصر
هى : بجد؟
أنا : آه بجد عادى يعنى
هى : تتجوزنى ؟
أنا : ليه ؟ عشان تاخدوا البن ببلاش
هى : ههههههههههه لا بلاش هزار
أنا : مش بهزر انا لا يمكن ارتبط بيكى
هى : ليه بقى ان شاء الله؟
أنا : لانك حاولتى تبنى علاقتنا ع كدب
هى : م انا خوفت تسبنى لو عرفت الحقيقة
أنا : و أسيبك ليه؟ عمر الشغل م كان عيب بس الكدب هو اللى عيب فاهمة يا شاطرة
هى : يعنى خلاص؟
أنا : آه . سلام يا قطة
ليست هناك تعليقات:
إرسال تعليق