قامت مشمشة من النوم
و بصت فى المرايه على شعرها المنكوش و عنيها المعمصة
و قالت و الله ببقى قمر اول م اقوم من النوم
و راحت داخلة غاسلة وشها و سرحت و بدات معركة المكياج على الصبح
و قعدت ساعة و نص قدام المرايه
و لبست الحتة اللى على الحبل
و نادت على مامتها انا رايحة الجامعة عايزة حاجة
قالتلها لا و دعتلها دعوتين على الصبح
و نزلت البنت من بيتها كانها رايحة فرح
مش رايحة الجامعة
وصلت الجامعة و قابلت صاحبها "الواد اللى المفروض انه مفهما انه بيحبها و هى
عاملة نفسها مصدقاه" وقالها م تيجى نخلع من المحاضرة الخنيقة دى
وراحوا اى كافية وطلبوا اتنين شيشة تفاحة و براد شاى زردة
و بصلها كده و سبلها عنية
و قالها احنا بقالنا قد ايه مع بعض؟
قالتله من ساعت لما كنا فى سنة اولى
قالها يعنى كام سنة؟
قالتلوا حواى 8 او 9 سنين مش فاكرة بالظبط
قالها طب مش كفاية كده
قالتلو يعنى ايه؟
قالها انا شايف انك استوفيتى مدتك و جه الوقت للتغيير
قالتله مش فاهمة؟
قالها يعنى تنفضى لنفسك يا حلوة و مش عايز اشوفك تانى
و شكرا على الايام الحلوة
تخيلى بقى البنت دى المفروض تعمل ايه؟؟؟
ليست هناك تعليقات:
إرسال تعليق